كتبت : سلمى حسن
كشفت الفنانة دانا حمدان عن تفاصيل تجربة قاسية عاشتها مؤخرًا عقب خضوعها لإحدى عمليات التجميل في إحدى العيادات الكبرى، مؤكدة أنها مرت بـ«أسوأ ثلاثة أسابيع في حياتها»، وما زالت تعاني من آثارها حتى الآن.
وقالت دانا في فيديو نشرته عبر حسابها على «إنستجرام»: «دخلت عيادة في الساحل ضمن حملة لمنتج إيطالي محفز للكولاجين، وسألتهم قبل ما أعمل الحقنة إذا ممكن يتغير شكلي حتى لو بسيط.. أكدوا ليا إنه آمن ومفيش مشكلة. لكن بعد ما رجعت البيت وصحيت لقيت وشّي منفخ بطريقة فظيعة».
وأضافت: «كلمت العيادة قالولي خدي حقنة علشان النفخة تهدى، لكن مهديتش.. فضلت 10 أيام والورم بيزيد والألم لا يُحتمل. ولما عرضت صوري على أحد كبار أطباء التجميل في مصر قال لازم يتدوب فورًا، لكن اكتشفت إن المادة اللي اتحقنت بيها ما ينفعش تدوب، فبقيت تحت الأمر الواقع».
وأوضحت دانا تفاصيل لقائها مع إدارة العيادة: «لما رحت قابلت المديرة اعترفت إنهم حقنوني بكمية كبيرة جدًا هي السبب في اللي حصلي». وأردفت: «الألم كان نار طالعة من وشي، مش عارفة أنام أو أحط وشي على المخدة.. أنا اتخدعت».
واختتمت حديثها بانفعال: «انهرت تمامًا وأنا في المستشفى، مش قادرة أستحمل الوجع، وعايزة أرجع لشكلي الأول اللي كنت حاباه.. ومن حقي أخد إجراء قانوني. وأقسم بالله أول وآخر مرة أحط إبرة في وشي».
