كتبت : سلمى حسن
شارك الفنان تامر حسني جمهوره فكرة جديدة لحفل موسيقي، استوحاها من تعليق لإحدى المتابعات تُدعى هالة الشناوي، التي اقترحت أن يقيم حفلًا يجلس فيه الجمهور على طريقة دار الأوبرا المصرية مع تقديم باقة من الأغاني الهادئة.
وكتب تامر عبر حسابه الرسمي على فيسبوك: «شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغانٍ هادئة. فعلاً فكرت في الفكرة دي، وكمان إني أوزعها مع أوركسترا كبيرة».
وأضاف: «نفسي بجد أغني من غير حركة وتنطيط ورايح جاي، وأقدملكم حفلة كاملة زي طريقتي لما غنيت (نسيانك صعب).. شجعتيني يا هالة والله. إيه رأيكم يا شباب؟ ولا تحبوا الحفلة تكون كلها طاقة وتنطيط وزحمة؟ قولولي رأيكم».
وفي سياق آخر، وجه تامر حسني رسالة تهنئة لصديقه المخرج محمد سامي بعد تراجعه عن قرار اعتزال الإخراج الدرامي الذي كان قد أعلنه في مارس الماضي، معتبرًا أن عودته للإخراج قرار صائب سيعود بالنفع على الجمهور.
وكتب تامر عبر فيسبوك: «ربنا يكرمك يا محمد.. صح كده، أحسنت قولًا وأنا متأكد هيبقى قولًا وفعلاً. زي ما تميزت وبقى ليك نهج واضح نجح لسنين طويلة، بعد كلامك حسيت إنك إن شاء الله هتعمل خطوة مهمة هتبقى نقلة كبيرة ليك وللدراما المصرية والعربية.. والمكسب الكبير هيبقى للجمهور. ربنا يوفقك يا حبيبي».
ورد محمد سامي على تهنئة تامر حسني قائلًا: «بحبك يا وش السعد يا صاحبي وأخويا الجامد جدًا».
