كتبت : سلمى حسن
أثارت الفنانة سماح أنور الجدل بتصريحاتها حول مقولة «امرأة واحدة لا تكفي»، حيث رأت أن هذه العبارة تنطبق على غالبية الرجال بسبب طبيعتهم الملولة.
وقالت أنور، خلال لقائها مع الإعلامية إنجي علي في برنامج «أسرار النجوم» عبر إذاعة نجوم إف إم: «امرأة واحدة لا تكفي بالنسبة لمعظم الرجال، لأن الإنسان بطبعه بيمل، والراجل ملول جسديًا، وعلى المستوى النفسي والعصبي مش عايز يسمع كلام كتير.
وأي ست هتتكلم كتير، وإحنا الستات مش بنعرف نعبّر عن مشاعرنا غير بالكلام».
وأضافت: «لما الست بتتضايق مبتعرفش تقول اللي مضايقها على طول، وهو عايز يعرف في اللحظة دي. هي تقعد تحكي له من أول ما اتولد لحد دلوقتي، فيتحول الموضوع لخناقة جديدة».
وتابعت: «لو الست عايزة تشتكي، تشتكي لواحدة ست زيها، لأن الستات بيعشقوا الكلام. إحنا بنفهم مشاعرنا من الكلام، لكن الرجالة مش كده».
وأكملت حديثها قائلة: «مفيش راجل مش عايز يستقر، لكن الاستقرار في إيد الست. ربنا خلقها عندها قدرة كبيرة على الاحتواء، لأنها هي اللي بتولد وتقدر تحتوي أي حد في أي سن وبأي طريقة».
آخر أعمال سماح أنور
شاركت سماح أنور مؤخرًا في مسلسل «كتالوج» حيث قدمت شخصية أم هاشم، ضمن أحداث درامية تسلط الضوء على أب (محمد فراج) يواجه تحديات تربية أبنائه بعد وفاة زوجته (ريهام عبد الغفور).
المسلسل من إخراج وليد الحلفاوي، وتأليف أيمن وتار، وإنتاج أحمد الجنايني، وشارك في بطولته نخبة من النجوم منهم: تارا عماد، خالد كمال، بيومي فؤاد، دنيا سامي، وصدقي صخر.
https://www.instagram.com/reel/DOeX_QhDKPf/?utm_source=ig_embed&ig_rid=5691c0b1-4b7d-4c6a-b081-f5ae8b4c61c3
