كتبت : سلمى حسن
أعرب الملحن عمرو مصطفى عن سعادته البالغة بتتويجه في الدورة الثانية من مهرجان ذا بيست The Best، والذي تُقام فعالياته حاليًا في منطقة الأهرامات، وسط حضور كبير من صُنّاع الموسيقى والفنانين.
وفي أول تعليق له بعد تكريمه، كتب عمرو مصطفى عبر حسابه على فيسبوك معبّرًا عن امتنانه:«شكرًا لكل حد صوّت… ولكل حد صدّق.
الجمهور هو اللي بيصنع اللحظة دي، مش الجايزة. وبشكر زمايلي اللي شاركوني مشوار الموسيقى، وبشارك نص فرحتي بالجايزة دي مع أخويا محمد يحيى… لأن النجاح الحقيقي هو اللي بنعيشه سوا. اللي فات بداية… واللي جاي أحلى».
ومن جهة أخرى، حرص عمرو مصطفى على تقديم الدعم للفنان تامر حسني بعد أزمته الصحية الأخيرة وخضوعه لجراحة دقيقة لاستئصال جزء من الكلى، وكتب عبر فيسبوك:«ألف سلامة يا تامر… ربنا يشفيك ويعدّي الوجع بسرعة ويرجعك لأولادك ومحبيك بألف خير، وتفضل ضحكتك ونشاطك دايمًا سابقين أي تعب».
يواصل عمرو مصطفى مسيرته الفنية بخطى ثابتة، مؤكدًا أن التكريم ليس محطة وصول، بل دفعة جديدة نحو المزيد من النجاحات، ليبقى اسمه أحد أبرز صُنّاع الموسيقى في الوطن العربي.
